Ոստիկանները կաշառք ստանալու կասկածանքով բերման են ենթարկել մետրոպոլիտենի աշխատակցին
16:21, 23 Սեպտեմբեր 2017
ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: Ոստիկանության Երևան քաղաքի վարչության և Արաբկիրի բաժնի ծառայողները, իրացնելով ստացված օպերատիվ տվյալները, Բաղրամյան պողոտայի թիվ 76 հասցեից կաշառք պահանջելու և ստանալու կասկածանքով բերման են ենթարկել Երևանի Մետրոպոլիտենի աշխատակցին: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապի և լրատվության վարչությունից, 1972 թվականին ծնված Ա. Խ.-ն հուլիսի 11-ին իր աշխատասենյակում աշխատանքի ընդունելու համար մի քաղաքացուց որպես կաշառք պահանջել և ստացել է 500 դոլար:
Կատարվում է քննություն:
Բաժանորդագրվեք մեր ալիքին Telegram-ում