ՀՀ-ն և ԵՄ-ն զգալի արդյունքների են հասել ընդհանուր ավիացիոն գոտու համաձայնագրի բանակցություններում
ԵՐԵՎԱՆ, 22 ՍԵՊՏԵՄԲԵՐի, ԱՐՄԵՆՊՐԵՍ: Հայաստանի և Եվրոպական Միության միջև ընդհանուր ավիացիոն գոտի ձևավորելու բանակցությունների արդյունքում ձևավորված տեքստն արդեն վերջնական տեսքի է բերվել: Սեպտեմբերի 22-ին լրագրողների հետ հանդիպմանն այս մասին ասաց ՀՀ կառավարությանն առընթեր քաղաքացիական ավիացիայի գլխավոր վարչության պետ Սերգեյ Ավետիսյանը:
«Մենք արդեն տեքստը վերջնական տեսքի ենք բերել և այն ուղարկել ենք մեր եվրոպացի գործընկերներին»,- «Արմենպրես»-ի փոխանցմամբ` նշեց Ավետիսյանը:
Նա ընդգծեց, որ Եվրոպական Միության կողմից արձագանքը ստանալուց և հնարավոր որոշ խնդիրներ հաղթահարելուց հետո հնարավոր կլինի անցնել փաստաթղթի ստորագրմանը:
Հայաստանը Եվրասիական տնտեսական միության հետ ևս բանակցում է ճանապարհային քարտեզի շուրջ, որը բերելու է Միության անդամ երկրների միջև հավասար պայմանների ձևավորման:
Բաժանորդագրվեք մեր ալիքին Telegram-ում