25 տարի առաջ մահացած Ֆրենկ Զապան շրջագայության Է մեկնում հոլոգրամի տեսքով
15:11, 22 Սեպտեմբեր 2017
ԵՐԵՎԱՆ, 22 ՍԵՊՏԵՄԲԵՐԻ, ԱՐՄԵՆՊՐԵՍ: Ֆրենկ Զապան վերստին շրջագայության Է մեկնում՝ իր մահվանից գրեթե 25 տարի անց: Այս անգամ հոլոգրամի տեսքով: Համերգների շարքը, որոնցում, բացի Զապայի հոլոգրամից, ելույթ կունենան նաեւ նրա նախկին երաժշտական ընկերակիցները, կսկսվի 2017 թվականի վերջին եւ կշարունակվի 2018 թվականին, տեղեկացնում Է «Արմենպրես»-ը՝ հղում անելով BBC-ին:
Հոլոգրամն ստեղծում Է Eyellusion ընկերությունը, որն արդեն անցյալում շրջագայության Է ուղարկել Ռոնի Ջեյմս Դիոյի հոլոգրամը:
Ինչպես գրում Է Rolling Stone-ը, ծրագրի մեխը կդառնա Ֆրենկ Զապայի գրած «Ջոյի ավտոտնակը» (Joe՚s Garage) երեք մասից բաղկացած օպերան: Ինչպես եւ Զապայի կենդանության օրոք, նրա հոլոգրամը կկատարի "Central Scrutinizer"-ի («կենտրոնական մանրամասն հետաքննողի») դերը:
Թե հատկապես որտեղ կկայանան ելույթները, առայժմ հայտնի չԷ:
Բաժանորդագրվեք մեր ալիքին Telegram-ում