«Եթե դուք խոսում եք պատժամիջոցների նոր փաթեթի մասին, որոնք սեպտեմբերի 21-ին ստորագրվել են նախագահ Թրամփի կողմից, ապա այդ հարցի վերաբերյալ Չինաստանի դիրքորոշումը հայտնի Է. մենք հանդես ենք գալիս ՄԱԿ-ի Անվտանգության խորհրդի շրջանակներից դուրս միակողմանի պատժամիջոցների դեմ: Այս դիրքորոշումը հստակ Է եւ հետեւողական»,- լրագրողների հետ զրույցում հայտարարել Է Լու Կանը:

Միացյալ Նահանգների նախագահ Դոնալդ Թրամփը սեպտեմբերի 21-ին ստորագրել Է հրամանագիր, որն ընդլայնում Է ԱՄՆ-ի ֆինանսների նախարարության լիազորությունները ԿԺԴՀ-ի եւ նրանց դեմ նոր պատժամիջոցների սահմանման հարցում, ովքեր Փենյանին օգնություն են ցույց տալիս տնտեսության տարբեր բնագավառներում, մասնավորապես առեւտրական եւ ֆինանսական հատվածներում:

Ֆինանսական գերատեսչության ղեկավարն այժմ կարող Է «արգելափակել բոլոր դրամական միջոցները, որոնք ստացվում են այն (բանկային) հաշիվներ կամ դրանցից եւ անցնում դրանցով, որոնք կապված են Հյուսիսային Կորեայի հետ եւ գտնվում են Միացյալ Նահանգներում կամ պատկանում են ԱՄՆ-ի քաղաքացիների»:

Որոշումը նաեւ լիազորություններ Է տրամադրում ԱՄՆ-ի ֆինանսների նախարարին, պետքարտուղարի հետ կոնսուլտացիաներից հետո, սահմանափակումներ կիրառել այն անձանց նկատմամբ, որոնք կապված են ԿԺԴՀ-ի արդյունաբերության, տրանսպորտային ճյուղի հետ կամ ներմուծմամբ կամ արտահանմամբ են զբաղվում ԿԺԴՀ-ում: Սահմանվում Է այն ինքնաթիռներով եւ նավերով ԱՄՆ այցելության 180-օրյա արգելք, որոնք եղել են ԿԺԴՀ-ի տարածքում, հաղորդել Է ՌԻԱ Նովոստին: