Երևանում մեկ ամիս կգործի եռագույնի երանգները միավորող նկարչական ցուցահանդես
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Առաջիկա մեկ ամսում հայ հանրությունը հնարավորություն կունենա տեսնել և ծանոթանալ «Երեք գույն» խորագրով նկարչական ցուցահանդեսի աշխատանքներին: Այնտեղ ներկայացված են տարբեր սերունդների և ոճերի նկարիչների գործեր, որոնց միավորում են եռագույնի երանգները:
Հայ բարեգործական ընդհանուր միության և Artbeep-ի համատեղ ջանքերով սեպտեմբերի 20-ին տեղի ունեցավ ցուցահանդեսի պաշտոնական բացումը:
Ցուցահանդեսի կազմակերպիչներից Ինեսա Մարգարյանը նշեց, որ ցուցահանդեսի նպատակը բարեգործական է: «Զարկ տալու, ինչ-որ ձևով աջակցելու նորաստեղծ տաղանդներին, և այս հարթակը մենք նրանց տրամադրում ենք հենց դրա համար: Բոլոր մասնակիցների հետ արդեն առանձին համագործակցում ենք և անցած տարվա տվյալներով ունեցանք շատ լավ վաճառք»,- «Արմենպրես»-ի փոխանցմամբ՝ ասաց նա:
Կազմակերպչի խոսքով՝ շեշտը դրված է ժամանակակից արվեստի վրա: Ցուցահանդեսին ներկայացված են 31 գեղանկար և 7 քանդակ: Հասույթի մի մասը գնալու է մշակութային տարբեր ծրագրերի զարգացմանը:
Ցուցահանդեսը կտևի մեկ ամիս:
Մարիամ Ադամյան
Բաժանորդագրվեք մեր ալիքին Telegram-ում