Պեսկովն առանց պատասխանի Է թողել Իրաքյան Քրդստանի անկախության հանրաքվեի հարցը
15:23, 20 Սեպտեմբեր 2017
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: ՌԴ-ի նախագահի մամուլի քարտուղար Դմիտրի Պեսկովը գերադասել Է չպատասխանել Իրաքյան Քրդստանի անկախության հանրաքվեի վերաբերյալ Ռուսաստանի դիրքորոշման մասին հարցին, սակայն հիշեցրել Է, որ Մոսկվան միշտ պնդում Է պետությունների տարածքային ամբողջականության պահպանման անհրաժեշտությունը, տեղեկացնում Է «Արմենպրես»-ը՝ հղում անելով ՏԱՍՍ-ին:
«Ես առանց մեկնաբանությունների կթողնեի այս հարցը»,- լրագրողներին ասել Է Կրեմլի ներկայացուցիչը:
«Անշուշտ, Ռուսաստանի դիրքորոշումը հօգուտ տարածաշրջանի պետությունների տարածքային ամբողջականության պահպանման մնում Է անփոփոխ»,- ասել Է նա: «Մենք կարծում ենք, որ, միայն հիմնվելով տարածաշրջանի պետությունների տարածքային եւ քաղաքական ամբողջականության պահպանման գաղափարի վրա, կարելի Է շարունակել իրադրության կայունացման փորձերը»,- ընդգծել Է Պեսկովը:
Բաժանորդագրվեք մեր ալիքին Telegram-ում