Ժամանակը Երևանում՝ 11:07:36,   25 Նոյեմբեր

Ռուսական սուզանավերը «Կալիբր»-ներով հարվածել են Սիրիայում ԻՊ-ի օբյեկտներին


ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: Ռուսական «Վելիկի Նովգորոդ» եւ «Կոլպինո» սուզանավերը «Կալիբր» թեւավոր հրթիռներով ստորջրյա դիրքից հարված են հասցրել Սիրիայում ԻՊ-ի օբյեկտներին: Այդ մասին, ինչպես տեղեկացնում Է «Արմենպրես»-ը, հայտնել Է ՌԴ պաշտպանության նախարարությունը:

«Սեպտեմբերի 14-ին Միջերկրական ծովի արեւելյան մասում գտնվող «Վելիկի Նովգորոդ» եւ «Կոլպինո» սուզանավերը «Կալիբր» թեւավոր հրթիռներով ստորջրյա դիրքից հարված են հասցրել Սիրիայում ԴԱԻՇ ահաբեկչական խմբավորման կարեւոր օբյեկտներին: Խոցման թիրախներ են դարձել կառավարման կետեր, կապի հանգույցներ, ինչպես նաեւ ահաբեկիչների զենքի ու զինամթերքի պահեստները Դեյր Զոր քաղաքից հարավ-արեւելք ընկած շրջաններում»,-հայտնել են ռուսական ռազմական գերատեսչությունում:

«Ընդջրյա դիրքից ահաբեկիչների օբյեկտների վրա արձակվել Է ծովային բազավորման յոթ թեւավոր հրթիռ: Նպատակակետերից հեռավորությունը կազմել Է 500-ից մինչեւ 670 կիլոմետր»,-հավելել են պաշտպանության նախարարությունում, հաղորդել Է ՏԱՍՍ-ը:



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 10 539818
Էլ-փոստ՝ [email protected]
Яндекс.Метрика
Էջի կարգավորումներ