Ժամանակը Երևանում՝ 11:07:36,   21 Սեպտեմբեր

Էդուարդո Էռնեկյանն ապագան հայրենիքում կերտելու կոչ է անում


ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: Արգենտինահայ գործարար, բարերար Էդուարդո Էռնեկյանը  «Էօրնեկեան հանրակրթական դպրոց»-ը համարում է ներդրում ապագայի, երեխաների համար: «Արմենպրես»-ի հաղորդմամբ` հանրակրթական դպրոցի նոր մասնաշենքի բացման հանդիսավոր արարողությանը լրագրողների հետ զրույցում արգենտինահայ բարերարն ասաց, որ շատ է հավանել դպրոցը: «Ես շատ ուրախ եմ, ամեն ինչ այստեղ գեղեցիկ է եւ ուժեղ, ապագայի տեսլականով է կառուցված»,-ասաց նա:

Էռնեկյանի խոսքով` մանր քայլերով ապագան պետք է կերտել հայրենիքում: «Այստեղ մենք պետք է ներդնենք մեր սփյուռքի ջանքերը, քանի որ ապագան այստեղ է եւ դա նաեւ իմ նպատակն է»,-հավելեց  բարերարը:

«Էօրնեկեան հանրակրթական դպրոց»-ը հիմնադրվել է  Ն.Ս.Օ.Տ.Տ. Գարեգին Բ Ամենայն հայոց Կաթողիկոսի կողմից եւ Էդուարդո Էռնեկյանի բարերարությամբ` 2009 թվականի սեպտեմբերի 1-ին ` Վաղարշապատի թիվ 13 հանրակրթական դպրոցի հենքի վրա:

Դպրոցում գործում է 32 դասարան` 1-12 դասարանի 471 աշակերտներով:



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 10 539818
Էլ-փոստ՝ [email protected]
Яндекс.Метрика
Էջի կարգավորումներ