Ժամանակը Երևանում՝ 11:07:36,   24 Նոյեմբեր

ԱԺ-ն առաջին ընթերցմամբ միաձայն ընդունեց նախորդ օրը քննարկված բոլոր նախագծերը


ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: Ազգային ժողովն առաջին ընթերցմամբ ընդունեց նախորդ օրը քննարկված բոլոր օրենքի նախագծերը: Ինչպես հաղորդում է «Արմենպրես»-ը, պատգամավորները միաձայն կողմ քվեարկեցին քննարկված բոլոր նախագծերին:

«Ինտերնետով հրապարակային և անհատական ծանուցման մասին» և կից ներկայացված փաթեթն ԱԺ-ն առաջին ընթերցմամբ ընդունեց 83 «կողմ» քվեարկությամբ:

«Լիցենզավորման մասին» ՀՀ օրենքի փոփոխություններն ու կից ներկայացված փաթեթը ևս ընդունվեց միաձայն: Օրենքի նախագիծը և կից ներկայացված փաթեթն ընդունվեց 85 «կողմ» ձայներով:
«Անշարժ գույքի գնահատման գործունեության մասին» օրենքն ընդունվեց 83 կողմ ձայներով:

 «Բնակարանային հիփոթեքային կրեդիտավորման մասին» և կից ներկայացված օրենքների նախագծերի փաթեթն առաջին ընթերցմամբ ևս ընդունվեց 86 կողմ ձայներով:
«Բանկերի և բանկային գործունեության մասին» և կից ներկայացված փաթեթին առաջին ընթերցմամբ կողմ քվեարկեց 87 պատգամավոր:  Քննարկված մյուս նախագծերը ևս առաջին ընթերցմամբ  ընդունվեցին միաձայն:

 

 



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 10 539818
Էլ-փոստ՝ contact@armenpress.am
Яндекс.Метрика
Էջի կարգավորումներ