Ժամանակը Երևանում՝ 11:07:36,   23 Սեպտեմբեր

Փարիզը կընդունի 2024, իսկ Լոս Անջելեսը` 2028 թվականի Օլիմպիական խաղերը


ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Միջազգային օլիմպիական կոմիտեն 2024 և 2028 թվականի ամառային Օլիմպիական խաղերը հյուրընկալելու իրավունքը տվել է, համապատասխանաբար, Փարիզին և Լոս Անջելեսին:

«Արմենպրես»-ի հաղորդմամբ՝ ՄՕԿ-ի 131-րդ վեհաժողովի ժամանակ, որը կայացավ Լիմայում,  «ձևական քվեարկության» արդյունքում Խաղերի քաղաքների անվանումները հայտարարեց ՄՕԿ-ի նախագահ Թոմաս Բախը: 2024 թվականի Օլիմպիական խաղերը հյուրընկալելու թեկնածուներ էին հենց Փարիզը և Լոս Անջելեսը:  2024 թվականի Ամառային օլիմպիական խաղերը կկայանան Ֆրանսիայի մայրաքաղաք Փարիզում, իսկ 2028 թվականի Խաղերը՝ Լոս Անջելեսում:

Թե Փարիզը, թե Լոս Անջելեսը արդեն երկու անդամ ընդունել են Խաղերը: Օլիմպիական խաղերը 1900 և 1924 թվականներին եղել են Փարիզում, իսկ 1932 և 1984 թվականի Խաղերը՝ Լոս Անջելեսում: 2020 թվականի 32-րդ ամառային Օլիմպիական խաղերը կկայանան Տոկիոյում:



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 10 539818
Էլ-փոստ՝ [email protected]
Яндекс.Метрика
Էջի կարգավորումներ