Խալիմա Յակոբը դարձել Է Սինգապուրի առաջին կին նախագահը
10:49, 13 Սեպտեմբեր 2017
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Սինգապուրի նոր նախագահ Է դարձել Խալիմա Յակոբը, որը մինչեւ վերջին ժամանակներս խորհրդարանի խոսնակն Էր: Այդ մասին, ինչպես տեղեկացնում Է «Արմենպրես»-ը, սեպտեմբերի 13-ին հայտնել Է ընտրական հանձնաժողովի նախագահ Էն Վայ Չունը՝ նրա շտաբի կողմից ներկայացված բոլոր փաստաթղթերի ստուգումից հետո:
Այսպիսով 63-ամյա Յակոբը դարձել Է երկրի առաջին կին նախագահը, ինչպես նաեւ վերջին 47 տարվա ընթացքում այդ պաշտոնն զբաղեցրած մալայական համայնքի առաջին ներկայացուցիչը:
Նշենք, որ Սինգապուրում նախագահի իշխանությունը սահմանափակ Է, իսկ երկիրը փաստորեն կառավարում Է վարչապետը: Պետության ղեկավարը կարող Է վետոյի իրավունքից օգտվել բյուջեի նախագիծը քննարկելիս, կառավարությունում նշանակումներ կատարելիս, դատապարտված հանցագործներին ներում շնորհելու որոշումներ ընդունելիս, ինչպես նաեւ ոսկարժութային պաշարների պահառուն Է, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում