Ժամանակը Երևանում՝ 11:07:36,   23 Նոյեմբեր

Վախճանվել է բրիտանական թատրոնի «կնքահայրը»՝ ռեժիսոր Փիթեր Հոլը


ԵՐԵՎԱՆ, 12 ՍԵՊՏԵՄԲԵՐԻ, ԱՐՄԵՆՊՐԵՍ: 86 տարեկան հասակում Մեծ Բրիտանիայում վախճանվել Է Թագավորական շեքսպիրյան ընկերության հիմնադիր եւ Ազգային թատրոնի նախկին գլխավոր ռեժիսոր սըր Փիթեր Հոլը, տեղեկացնում Է «Արմենպրես»-ը՝ հղում անելով BBC-ին:

Ազգային թատրոնի պաշտոնական հաղորդագրության մեջ ասվում Է, որ նա սեպտեմբերի 11-ին մահացել Է Լոնդոնի Համալսարանական քոլեջի հիվանդանոցում՝ ընտանիքի անդամների շրջապատում: 2011 թվականին նրան դեմենցիա Էին ախտորոշել:

1960 թվականին 29 տարեկան հասակում Փիթեր Հոլը Ուիլյամ Շեքսպիրի հայրենիքում՝ Էյվոնի Սթրաթֆորդում, հիմնել Է Թագավորական շեքսպիրյան ընկերությունը (RSC)` մշտապես գործող թատրոն Շեքսպիրի ու նրա ժամանակակիցների պիեսների բեմադրության համար:

Նա RSC-ի ղեկավարն Էր մինչեւ 1968 թվականը:

1973 թվականին Փիթեր Հոլը գլխավորել Է Ազգային թատրոնը, եւ հենց նրա ղեկավարությամբ թատրոնը տեղափոխվեց Թեմզայի հարավային ափին հատուկ նրա համար կառուցված հսկայական համալիր:

«Մենք բոլորս կանգնած ենք հսկաների ուսերին, իսկ Փիթեր Հոլի ուսերը պահում Էին ողջ բրիտանական թատրոնը՝ ինչպիսին մենք այն գիտենք»,-հայտարարել Է Ազգային թատրոնի ներկայիս ղեկավար, ռեժիսոր Ռուֆուս Նորիսը: Ազգային թատրոնի ղեկավարի պաշտոնում նրան փոխարինածները նույնպես նշել են Հոլի հսկայական ավանդը Մեծ Բրիտանիայում թատերական արվեստի զարգացման գործում:



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 10 539818
Էլ-փոստ՝ [email protected]
Яндекс.Метрика
Էջի կարգավորումներ