Փոթորկի պատճառով Մայամի-Դեյդ օկրուգի շուրջ 400 միջնակարգ դպրոցներ փակվում են անորոշ ժամանակով: Այդ մասին հայտնել Է 392 կրթակական հաստատությունների ղեկավարությունը, որոնցում սովորում են 345 հազար դպրոցականներ եւ աշխատում շուրջ 40 հազար ուսուցիչներ ու սպասարկող անձնակազմի անդամներ:

Ֆլորիդայի ավելի քան 116 հազար բնակիչներ տեղավորվել են 530 ժամանակավոր ապաստարաններում:

ԱՄՆ-ի նախագահ Դոնալդ Թրամփը հաստատել Է ամերիկյան այդ նահանգի ամբողջ տարածքը խոշորագույն տարերային աղետի գոտի հայտարարելու Ֆլորիդայի նահանգապետ Ռիք Սքոթի առաջարկը: Այդ որոշումը թույլ Է տալիս առանց ձգձգումների դաշնային միջոցներ հատկացնել «Իրմա» փոթորկից տուժածներին օգնելուն: Նահանգապետը նշել Է, որ պետության ղեկավարն այդ խնդրանքը բավարարել Է հաշված ժամերի ընթացքում:

Սեպտեմբերի 10-ի ցերեկը «Իրմա» փոթորիկը հասել Է Ֆլորիդայի ծովափ: Սկզբնապես դրան տրվել Էր չորրորդ կատեգորիա, ավելի ուշ այն նվազեցել Է մինչեւ երկրորդ կատեգորիա:

«Իրմա»-ն համարվում Է առնվազն վերջին տասնամյակի ընթացքում Ատլանտիկայում ձեւավորված ամենահզոր փոթորիկը: Կարիբյան ավազանի տարածաշրջանում դրա զոհ Է դարձել առնվազն 25 մարդ, հաղորդել Է ՏԱՍՍ-ը: