«Ես կարծում եմ՝ մենք չպետք Է վանենք Թուրքիային: Թուրքիան մեծ, ռազմավարական տեսակետից կարեւոր երկիր Է մեզ բոլորիս համար»,- ասել Է նա: Ըստ որում, ինչպես հավելել Է Ջոնսոնը, «ԵՄ-ի բոլոր երկրները, ներառյալ Մեծ Բրիտանիան, լրջորեն անհանգստացած են Թուրքիայում մարդու իրավունքների հետ կապված հարցերից, Amnesty International-ի աշխատակիցների, լրագրողների նկատմամբ վերաբերմունքից»:

Գերմանիայի կանցլեր Անգելա Մերկելը սեպտեմբերի 3-ին նախընտրական հեռուստաբանավեճերի ժամանակ հայտարարել Է, որ Թուրքիայի համար տեղ չի տեսնում Եվրամիության կազմում: Այս միտքը նա զարգացրել Է սեպտեմբերի 5-ին՝ ելույթ ունենալով Բունդեսթագում: Այնտեղ կանցլերը հայտնել Է, որ ԵՄ-ին Թուրքիայի անդամակցության բանակցությունների հնարավոր դադարեցումը կարող Է քննարկման դրվել առաջիկա եվրագագաթնաժողովում, որը պետք Է տեղի ունենա հոկտեմբերին Բրյուսելում:

Ֆրանսիայի կառավարության պաշտոնական ներկայացուցիչ Քրիստոֆ Կաստաները նույն օրը հայտարարել Է, որ իր երկրի ղեկավարությունը նույնպես հնարավոր չի համարում Անկարայի հետ բանակցությունների շարունակումը: Եվրամիության երկրների պաշտպանության եւ արտաքին գործերի նախարարների ոչ պաշտոնական հանդիպումը Տալլինում տեղի Է ունենում սեպտեմբերի 6 – 8-ը, հաղորդել Է ՏԱՍՍ-ը: