Հաշմանդամներն այսուհետ ինքուրույն կընտրեն հաշմասայլակներն ու լսողական սարքերը
12:00, 7 Սեպտեմբեր 2017
ԵՐԵՎԱՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Կառավարությունը հաշմանդամներին թույլատրում է ինքնուրույն ընտրել հաշմասայլակներն ու լսողական սարքերը: Այդ մասին որոշումն ընդունվեց կառավարության սեպտեմբերի 7-ի նիստում:
ՀՀ աշխատանքի և սոցիալական հարցերի նախարար Արտեմ Ասատրյանը նշեց, որ նախկինում հաշմանդամություն ունեցող մարդիկ բողոքում էին իրենց սարքերի վատ որակից, հիմա կարող են դրանք ձեռք բերել սեփական պահանջմունքի համաձայն:
«Եթե սարքերն ավելի թանկարժեք լինեն, հայտատուն տարբերությունն ինքը կվճարի, եթե ավելի էժան՝ մնացած փողով նրան սարքի լրացուցիչ մասեր կտրամադրվեն»,- «Արմենպրես»-ի փոխանցմամբ, ասաց նախարարը:
Բաժանորդագրվեք մեր ալիքին Telegram-ում