Ժամանակը Երևանում՝ 11:07:36,   20 Փետրվար

Մանկական բեսթսելեր 4/19. Կլոդ Ռուայի «Բաղձալի Բարովեկածը» գիրքը մեր ցանկում է


ԵՐԵՎԱՆ, 6 ՍԵՊՏԵՄԲԵՐԻ, ԱՐՄԵՆՊՐԵՍ: «Արմենպրես» լրատվական գործակալության «Մանկական բեսթսելեր» հեղինակային նախագիծը ներկայացնում է մեկ ամսվա ընթացքում ամենից շատ վաճառված մանկական գրքերի ցանկը:

Ամենավաճառված մանկական գրքերի առաջին հորիզոնականում է գտնվում «Հեքիաթներ քնելուց առաջ» ժողովածուն, որը ներառում է պարտադիր ընթերցելու համար նախատեսված յուրահատուկ և հետաքրքիր հեքիաթներ:

Հանս Քրիստիան Անդերսենի «Հեքիաթներ»-ը երկրորդ տեղում են: Անդերսենյան հեքիաթները քաջ հայտնի են բոլոր փոքրիկներին ոչ միայն գրքերից, այլ նաև մուլտֆիլմերից ու լիամետրաժ խաղարկային ֆիլմերից, քանի որ դրանց զգալի մասն էկրանավորվել է:

«100 դասական հեքիաթներ» ժողովածուն բարելավել  է իր դիրքերը և երրորդն է: Գրքում տեղ են գտել սիրված դասական գրողների հեքիաթները, մեզ հասած առասպելներն ու հայտնի հեքիաթային հերոսները, որոնք կյանքը գրավիչ են դարձնում 4-9 տարեկան երեխաների համար: Ժողովածուն ընդգրկում է այնպիսի սիրված հեքիաթներ, ինչպիսիք են «Թագավորի նոր հագուստը», «Մոխրոտը» և «Ջրահարսը»: Յուրաքանչյուր հեքիաթ պատկերազարդված է գունագեղ նկարներով:

Չորրորդ հորիզոնականն է զբաղեցրել Ջ.Ռոուլինգի «Հարի Փոթերը և գաղտնիքների սենյակը» ստեղծագործությունը: Ամառային արձակուրդներն ավարտվում են, և Հարի Փոթերը կրկին վերադառնում է Հոգվարթսի վհուկության և կախարդության դպրոց: Դղյակի պատերին հայտնվող սպառնալից գրությունները զգուշացնում են, որ գաղտնիքների սենյակը կրկին բացվել է:

Վարկանիշային աղյուսակի հինգերորդ հորիզոնականում «Լինում է, չի լինում» պատկերազարդ հեքիաթների ժողովածուն: Հանս Քրիստիան Անդերսենի, Գրիմ եղբայրների, Շառլ Պերոյի, Գաբրիել դը Վիլնյովի հեքիաթների հերոսները փոքրիկների ամենասիրածներն են: Այս հեքիաթների նոր նկարազարդումներն էլ ավելի հետաքրքիր են դարձնում ընթերցումը:

«Հայ  ժողովրդական հեքիաթներ»-ն այս անգամ զբաղեցրել են պատվավոր վեցերորդ տեղը:

Իր դիրքերը բարելավել և յոթերորդ տեղն են գրավել «Արևիկ» հրատարակչության՝ հայ մեծանուն գրող ու մանկագիր Ղազարոս Աղայանի «Հեքիաթներ»-ը: Այս ստեղծագործությունները նույնպես թարգմանվել են աշխարհի տարբեր լեզուներով և դարձել համաշխարհային ստեղծագործության նմուշներ:

Ութերորդ տեղում Հաշ ընդ Հաշ Փրինթ-ի հրատարակած՝ Ղազարոս Աղայանի «Հեքիաթներ»-ն են: Դրանք մեծ ժողովրդականություն են վայելում երեխաների շրջանում:

Իններորդ տեղում Հովհաննես Թումանյանի «Հեքիաթներ»-ն են:  Գրքում ընդգրկված են հեղինակի` երեխաների կողմից սիրված հեքիաթները` «Պոչատ աղվեսը», «Ուլիկը», «Անհաղթ աքլորը», «Բարեկենդանը», որոնց հերոսներն իրականում կերտված են գունագեղ պլաստիլինից: Բացի սիրված ստեղծագործությունների ընթերցումից` երեխաները կարող են ինքնուրույն կերտել հերոսներին, ինչը կզարգացնի նրանց մտածողությունը, երևակայությունը, ձեռքի շնորհքը` բացահայտելով արվեստագետի նրանց ունակությունները:

Ամենավաճառվածների աղյուսակը եզրափակում է Կլոդ Ռուայի «Բաղձալի Բարովեկածը» գիրքը:  Այս հեքիաթն ուսուցանում է, թե որքան կարևոր է թույլ տալ մարդկանց անել այն, ինչ իրենց իսկապես հաճույք է պատճառում, և սեփական կամքը չպարտադրել ուրիշներին։ Եվ որ երբեմն ցրված լինելու հետևանքով կատու գործելը շատ օգտակար և լավ գործ է, հատկապես երբ այդ կատուն Բաղձալի Բարովեկածն է՝ արտասովոր կատու ու շատ կարգին տղա։

Տեղ Գիրք Հրատ. Քանակ
1 «Հեքիաթներ քնելուց առաջ» Բուկինիստ 57
2

Հանս Քրիստիան Անդերսեն

«Հեքիաթներ»

Արևիկ 50
3 «100 դասական հեքիաթներ» Զանգակ 39
4

Ջ. Ռոուլինգ

«Հարի Փոթերը և գաղտնիքների սենյակը»

Զանգակ 34
5

«Լինում է, չի լինում»

պատկերազարդ հեքիաթներ

Զանգակ 28
6 «Հայ ժողովրդական հեքիաթներ» Արևիկ 26
7

Ղազարոս Աղայան

«Հեքիաթներ»

Արևիկ 25
8

Ղազարոս Աղայան

«Հեքիաթներ»

Հաշ ընդ Հաշ 25
9

Հովհաննես Թումանյան

«Հեքիաթներ»

Զանգակ 13
10

Կլոդ Ռուա

«Բաղձալի բարովեկածը»

Զանգակ 12

Վարկանիշային ցուցակի կազմման հարցումներին մասնակցել են «Բուկինիստ» (53-74-13) և «Զանգակ» (23-26-49) գրախանութների ցանցերը: Հարցման ժամանակ հաշվի չեն առնվել դասագրքերը:

«Մանկական բեսթսելերը» ներկայացրեց Անժելա Համբարձումյանը




Այս թեմայով

... վերջին լուր "Մանկական բեսթսելլեր" թեմայով

Մրցույթ

«Մեկ անգամ Հայաստանում»

Լրահոս

Բոլոր նորությունները    






Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ