Կրթական համակարգը չի կարող քարացած վիճակում լինել. Արա Բաբլոյանը` համակարգում վերջին փոփոխությունների մասին
11:46, 1 Սեպտեմբեր 2017
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի Ազգային ժողովի նախագահ Արա Բաբլոյանը կարծում է, որ կրթական համակարգը չի կարող քարացած վիճակում լինել և պետք է անընդհատ զարգանա: Ինչպես հաղորդում է «Արմենպրես»-ը, լրագրողների հետ զրույցում ՀՀ ԱԺ նախագահը, անդրադառնալով դիտարկմանը, թե Հայաստանում կրթական համակարգում տեղի ունեցած վերջին փոփոխությունները հանրության շրջանում դժգոհություններ են առաջացնում, ընդգծեց, որ կրթական համակարգում փոփոխություններն անհրաժեշտ են:
«Կրթական համակարգը չի կարող քարացած վիճակում լինել, այն մշտական զարգացման կարիք ունի»,- ընդգծեց արա Բաբլոյանը:
ՀՀ ԱԺ նախագահի խոսքով` մշտական պրպտումները, իրականացվող փոփոխությունները թույլ են տալիս, որպեսզի համակարգն էլ ավելի բարելավվի:
Բաժանորդագրվեք մեր ալիքին Telegram-ում