Թրամփը համոզված Է, որ ԱՄՆ-ի եւ ՌԴ-ի հարաբերությունները վաղ թե ուշ կբարելավվեն
10:25, 29 Օգոստոս 2017
ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը հայտարարել Է, թե հավատում Է Վաշինգտոնի եւ Մոսկվայի հարաբերությունների բարելավմանը: Այդ մասին, ինչպես տեղեկացնում Է «Արմենպրես»-ը, նա հայտարարել Է Ֆինլանդիայի նախագահ Սաուլի Նիյնիստյոյի հետ հանդիպման արդյունքներին նվիրված մամուլի ասուլիսում:
«Լավ կլիներ, եթե մենք հիանալի հարաբերություններ ունենայինք Ռուսաստանի հետ, գոնե լավ հարաբերություններ: Կարծում եմ՝ վաղ թե ուշ դա տեղի կունենա: Արժե, որ մենք կարգավորենք հարաբերությունները միջուկային մեծ տերության հետ»,- ասել Է նա:
Դրա հետ մեկտեղ Թրամփը հրաժարվել Է պատասխանել լրագրողի տված ուղղակի հարցին՝ նա Ռուսաստանը համարում Է արդյոք սպառնալիք ԱՄՆ-ի անվտանգության համար: «Այդ առումով ես դիտարկում եմ բազմաթիվ երկրներ»,- խուսափողաբար հայտարարել Է Սպիտակ տան ղեկավարը:
Բաժանորդագրվեք մեր ալիքին Telegram-ում