Ըմբիշ Լևան Բերյանիձեն դարձավ աշխարհի առաջնության բրոնզե մեդալակիր
23:06, 25 Օգոստոս 2017
ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: Ազատ ոճի ըմբիշ, Եվրոպայի առաջնության բրոնզե մեդալակիր Լևան Բերյանիձեն դարձավ նաև աշխարհի առաջնության բրոնզե մեդալակիր:
«Արմենպրես»-ի հաղորդմամբ՝ Փարիզում ընթացող ազատ ոճի ըմբշամարտի աշխարհի առաջնությունում գերծանր քաշային Լևան Բերյանիձեն բրոնզե մեդալի համար պայքարում մրցում էր ռուս Անզոռ Ռուսլանովիչի հետ: Հայաստանի դրոշի ներքո հանդես եկող Բերյանիձեն հաղթեց մրցակցին 0:3 հաշվով:
Բերյանիձեն 2016 թվականի ամառային Օլիմպիական խաղերի մասնակից է: 2017 թվականի Եվրոպայի առաջնության բրոնզե մեդալակիր: Հայաստանի դրոշի ներքո հանդես է գալիս 2014 թվականից:
Բաժանորդագրվեք մեր ալիքին Telegram-ում