Կլուծվի Արթիկի վթարային շենքի բնակիչների բնակարանային խնդիրը
17:18, 24 Օգոստոս 2017
ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: ՀՀ կառավարությունը միջոցներ կհատկացնի Շիրակի մարզի Արթիկ համայնքի Սասունցի Դավիթ փողոցի քանդման ենթակա վթարային թիվ 13 շենքի բնակիչների բնակարանային պայմանների բարելավման նպատակով: «Արմենպրես»-ի փոխանցմամբ, ՀՀ տարածքային կառավարման և զարգացման նախարար Դավիթ Լոքյանը նշեց, որ այդ նպատակով կհատկացվի 43 մլն դրամ:
«Բնակվելու համար վտանգավոր դարձած այդ շենքի 12 ընտանիքներին կտրամադրվի ֆինանսական աջակցություն՝ սահմանված ժամկետում բնակարան կամ բնակելի տուն ձեռք բերելու նպատակով»,- ասաց նախարարը:
Բաժանորդագրվեք մեր ալիքին Telegram-ում