Ամերիկյան օդուժը կհամալրեն շուրջ հազար թեւավոր միջուկային հրթիռներ
10:36, 24 Օգոստոս 2017
ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: ԱՄՆ-ի ռազմաօդային ուժերը Lockheed Martin եւ Raytheon կորպորացիաների հետ կնքել են ամերիկյան ռազմավարական զինանոցի համար նոր միջուկային թեւավոր հրթիռի մշակման պարտավորագրեր: Օգոստոսի 24-ին այս մասին հաղորդել Է Reuters-ը, տեղեկացնում Է «Արմենպրես»-ը:
Յուրաքանչյուր համաձայնագրի արժեքը կազմում Է 900 միլիոն դոլար: Չորսուկես տարում երկու ընկերությունները պետք Է առանձին-առանձին մշակեն թեւավոր հրթիռի նախատիպ հեռահար շառավղով ռմբակոծիչների համար: Այնուհետեւ զինվորականները կընտրեն իրենց համար առավել համապատասխան տարբերակը:
Պլանավորվում Է գնել շուրջ հազար թեւավոր հրթիռ, ծրագրի ընդհանուր արժեքը գնահատվում Է 10 միլիարդ դոլար:
Բաժանորդագրվեք մեր ալիքին Telegram-ում