Ֆրանսիացիների մեծամասնությունը կարծում Է, որ Մակրոնը կարող Է բարելավել երկրի իրադրությունը
10:28, 24 Օգոստոս 2017
ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: Ֆրանսիացիների մոտ 60 տոկոսն այն կարծիքին Է, որ Էմանուել Մակրոնն իր հնգամյա նախագահական ժամկետի ընթացքում կարող Է բարելավել երկրի իրադրությունը: Այդ մասին, ինչպես տեղեկացնում Է «Արմենպրես»-ը, ասված Է սոցիալական հետազոտությունների Elabe ինստիտուտի հաղորդագրության մեջ, որը հղում Է արել իշխանության ղեկին Մակրոնի գտնվելու առաջին հարյուր օրվա արդյունքների շուրջ BFM TV-հեռուստաալիքի համար անցկացված հարցման տվյալներին:
Մինչդեռ ֆրանսիացիների կեսը գտնում Է, որ դեռեւս վաղ Է գնահատական տալ նախագահի պաշտոնում Մակրոնի գործունեությանը: Հետազոտությունը նաեւ ցույց Է տվել, որ հարցվածների մոտավորապես մեկ երրորդը հիասթափված Է Ֆրանսիայի ղեկավարի առաջին քայլերից: Ընդսմին, Elabe-ի տվյալների համաձայն, ֆրանսիացիների 73 տոկոսը նշում Է նախագահի աշխատանքի եռանդուն ոճը:
Հարցումը օգոստոսի 22-23-ին անցկվացվել Է Համացանցի միջոցով: Դրան մասնակցել Է 18-ից բարձր տարիքի ավելի քան հազար մարդ, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում