Ժամանակը Երևանում՝ 11:07:36,   23 Նոյեմբեր

Լևոն Ջուլֆալակյանը գոհ է երկու ոսկե մեդալներից. Կային սպասումներ նաև այլ քաշային կարգերում


ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Հունահռոմեական ոճի ըմբշամարտի Հայաստանի հավաքականի գլխավոր մարզիչ Լևոն Ջուլֆալակյանն ամփոփեց աշխարհի առաջնությունում հայ մարզիկների գրանցած արդյունքները:

«Բնական է, որ երկու ոսկե մեդալից շատ գոհ եմ: Որոշ քաշային կարգերում էլի սպասելիքներ ունեինք, սակայն մեծ սպորտում լինում են սայթաքումներ: Այդ մասին դեռ պետք է մտածենք: Իմ կարծիքով Մաքսիմ Մանուկյանի հաղթանակն էլ պետք է սպասված լիներ: Նա տարիներ շարունակ միշտ մոտ էր մեդալներին: Նա կարողացավ քաշը ճիշտ կարգավորել և առավելություն ստանալ հակառակորդների նկատմամբ: Արթուր Ալեքսանյանը վաղուց ապացուցել է, որ իր քաշում լավագույնն է»,-«Արմենպրես»-ի հաղորդմամբ` լրագրողների հետ զրույցում ասաց Ջուլֆալակյանը:

Հավաքականի գլխավոր մարզչի խոսքով՝  գործող օրենքները բացասական են անդրադառնում մարզաձևի վրա: «Դեռևս պայքար է գնում միջազգային ֆեդերացիայի տարբեր կողմերի հետ: Ամերիկացիները ուզում են, որ մնան այս կանոնները, քանի որ գոտեմարտել ընդհանրապես չգիտեն: Նրանց ճնշում են և ըմբշամարտի շատ երկրներ պայքարում են, որ օրենքները փոխվեն: Եթե որոշումը բացասական լինի, ապա նման մոտեցման դեպքում կարող է արգելվել նաև Օլիմպիական խաղերի մասնակցությունը»,-շեշտեց Ջուլֆալակյանը:

Փարիզում ընթացող հունահռոմեական ոճի ըմբշամարտի աշխարհի առաջնությունն ավարտվեց: Լևոն Ջուլֆալակյանի գլխավորած թիմը հավաքեց 28 միավոր և թիմային հաշվարկում գրավեց 6-րդ տեղը: Հայաստանի հավաքականը նվաճեց երկու ոսկե մեդալ: Աշխարհի չեմպիոններ դարձան 80 կգ քաշային Մաքսիմ Մանուկյանը և 98 կգ քաշային օլիմպիական չեմպիոն Արթուր Ալեքսանյանը:



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 10 539818
Էլ-փոստ՝ [email protected]
Яндекс.Метрика
Էջի կարգավորումներ