Կարեն Մովսիսյանը՝ շախմատի Եվրոպայի վետերանների չեմպիոն
11:34, 22 Օգոստոս 2017
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Իսպանիայի Սաբադել քաղաքում ավարտվեց Եվրոպայի վետերանների առաջնությունը:
«Արմենպրես»-ի հաղորդմամբ` 50-ից բարձր տարիքային խմբում հիանալի հաջողության հասավ Հայաստանը ներկայացնող գրոսմայստեր Կարեն Մովսիսյանը, ով 9 հնարավորից վաստակեց 7 միավոր և հռչակվեց Եվրոպայի վետերանների չեմպիոն:
Կանանց 50-ից բարձր խմբում հաղթող դարձավ Գալինա Ստրուտինսկայան:
65-ից բարձր տղամարդկանց առաջնությունում չեմպիոն դարձավ Ռենման Նիլս Գուստավը, իսկ կանանց 65-ից բարձր առաջնությունում Եվրոպայի չեմպիոնի տիտղոսը նվաճեց Նոնա Գափրինդաշվիլին:
Բաժանորդագրվեք մեր ալիքին Telegram-ում