Ֆիլադելֆիայում ավելի քան 30 մարդ Է տուժել գնացքների բախման հետեւանքով
10:55, 22 Օգոստոս 2017
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Առնվազն 33 մարդ Է վերքեր ստացել այն բանից հետո, երբ ԱՄՆ-ում մարդատար գնացքը բախվել Է դատարկ շարժակազմին, որը կանգնած Էր Ֆիլադելֆիայի (Փենսիլվանիայի նահանգ) արվարձանի կայարանում: Այդ մասին, ինչպես տեղեկացնում Է «Արմենպրես»-ը, օգոստոսի 22-ին հայտնել Է AP գործակալությունը:
Փենսիլվանիայի հարավարեւելյան տարածաշրջանի տրանսպորտային վարչության ներկայացուցչի խոսքով՝ միջադեպը տեղի Է ունեցել տեղական ժամանակով ժամը 00:15-ին (Երեւանի ժամանակով 8:15-ին) Ափեր-Դարբի արվարձանում: Միջադեպի այլ մանրամասներ առայժմ չեն նշվում, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում