Լավրովը եւ Գաբրիելը քննարկել են ԿԺԴՀ-ի շուրջ ստեղծված իրադրությունը
13:47, 18 Օգոստոս 2017
ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: Ռուսաստանի եւ Գերմանիայի արտաքին գործերի նախարարներ Սերգեյ Լավրովը եւ Զիգմար Գաբրիելը օգոստոսի 18-ին կայացած հեռախոսազրույցի ընթացքում քննարկել են Կորեական թերակղզու իրադրությունը, ինչի մասին հայտնել Է ՌԴ ԱԳ նախարարությունը, տեղեկացնում Է «Արմենպրես»-ը՝ հղում անելով ՏԱՍՍ-ին:
«Նախարարները քննարկել են ԿԺԴՀ-ի շուրջ ստեղծված իրադրությունը եւ ճգնաժամից դուրս գալու ուղիները,-նշել են Ռուսաստանի դիվանագիտական գերատեսչությունում:-Լավրովը եւ Գաբրիելն ընդգծել են, որ Կորեական թերակղզու խնդիրների քաղաքական-դիվանագիտական լուծումն այլընտրանք չունի, ինչին կոչված Է օժանդակել կորեական կարգավորման ռուս-չինական ճանապարհի քարտեզը»:
«Հաստատվել Է ՄԱԿ-ի Անվտանգության խորհրդի համապատասխան բանաձեւերը կատարելու հանձնառությունը»,-հավելել են ՌԴ ԱԳ նախարարությունում:
Բաժանորդագրվեք մեր ալիքին Telegram-ում