Տրանսպորտի, կապի և տեղեկատվական տեխնոլոգիաների նախարարությունն ունի աշխատակազմի նոր ղեկավար
12:42, 17 Օգոստոս 2017
ԵՐԵՎԱՆ, 17 ՕԳՈՍՏՈՍԻ, ԱՐՄԵՆՊՐԵՍ: ՀՀ կառավարության որոշմամբ Սամվել Ամիրխանյանը նշանակվեց Տրանսպորտի, կապի և տեղեկատվական տեխնոլոգիաների նախարարության աշխատակազմի ղեկավար:
Սամվել Ամիրխանյանը ծնվել է 1954թ., ավարտել Երևանի պոլիտեխնիկական ինստիտուտի ճարտարապետաշինարարական ֆակուլտետի արդյունաբերություն և քաղաքացիական շինարարություն բաժինը, այնուհետև՝ Երևանի տնտեսագիտական ինստիտուտի հաշվապահական հաշվառում և վերլուծություն բաժինը:
2001-2013թթ. եղել է ՀՀ բնապահպանության նախարարի տեղակալ, աշխատակազմի ղեկավար, նախարարի խորհրդական:
«Արմենպրես»-ի փոխանցմամբ, նա աշխատել է «Անելիք-բանկ» ՓԲԸ Վանաձորի մասնաճյուղի կառավարիչ, վարչության նախագահի խորհրդական:
Բաժանորդագրվեք մեր ալիքին Telegram-ում