Պորտուգալիայում ծառի տապալման հետևանքով 13 մարդ է մահացել
12:07, 16 Օգոստոս 2017
ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: Պորտուգալիայի Մադեյրա կղզու Ֆունշալ քաղաքում անցկացված կրոնական փառատոնին 200 տարեկան ծառի տապալման հետևանքով մահացել է 13 և վնասվածքներ ստացել՝ 49 մարդ: Ինչպես հաղորդում է «Արմենպրես»-ը, այս մասին հայտնում է PRESSTV-ն:
Տասնյակ մարդիկ, որոնցից չորսը՝ երեխա, լուրջ վնասվածքներ են ստացել: Վնասվածք ստացածներից չորսը օտարերկրացիներ են՝ Ֆրանսիայի, Գերմանիայի, Հոլանդիայի և Հունգարիայի քաղաքացիներ: Այս մասին մամուլի ասուլիսի ժամանակ հայտնել է Ֆունշալի հիվանդանոցի գլխավոր վիրաբույժ Միգել Ռեիսը:
Բաժանորդագրվեք մեր ալիքին Telegram-ում