Լռության տասը րոպեն ժողովրդականություն Է ձեռք բերում iTunes չարթում
15:17, 15 Օգոստոս 2017
ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ: Տասը րոպե լռության ձայնագրությունը ժողովրդականություն Է ձեռք բերում ամերիկյան iTunes չարթում: Այդ մասին, ինչպես տեղեկացնում Է «Արմենպրես»-ը, գրել Է Independent հրատարակությունը: Օգտատեր Սամիր Մեզրահին A a a a a Very Good Song («Շաաաատ լավ երգ») կոմպոզիցիան թողարկել Է օգոստոսի 7-ին: Զանգվածային լրատվամիջոցների տվյալներով՝ դրա միջոցով կատարողը մտադիր Է լուծել այն խնդիրներից մեկը, որին հանդիպում են Apple iTunes-ի օգտատերերը. ավտոմոբիլում iPhone-ը ստերոհամակարգին միացնելիս ավտոմատ կերպով միանում Է ցանկում ըստ այբուբենի առաջին երգը:
Դրա հետեւանքով օգտատերն ամեն անգամ հարկադրված Է երաժշտության ունկնդրումն սկսել միեւնույն երգով:
Նշվում Է, որ Մեզրահիի «երգը» բովանդակում Է լռության տասը րոպե, iTunes-ում արժե 99 ցենտ եւ այս պահին ամերիկյան չարթում զբաղեցնում Է 19-րդ հորիզոնականը՝ բարձրանալով 18 տող, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում