Գիտնականները ճաղատացման դեմ պայքարի նոր միջոց են գտել
14:52, 15 Օգոստոս 2017
ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ: Ամերիկացի գիտնականները գտել են ճաղատացման դեմ պայքարի նոր միջոց: Համապատասան հետազոտությունը հրապարակվել Է Nature Cell Biology հանդեսում, դրա մասին հակիճ հաղորդվում Է Լոս Անջելեսի (ԱՄՆ) Կալիֆոռնիայի համալսարանի կայքում, տեղեկացնում Է «Արմենպրես»-ը:
Մասնագետներն առաջարկել են գեղձաբշտիկում ակտիվացնել ցողունային բջիջները, որոնք պատասխանատու են մազերի աճի համար՝ օրգանիզմի տարրական միավորի մեջ լակտատների (կաթնաթթվի աղերի) արտադրության ապաարգելափակման միջոցով:
Մասնագետներն ստեղծել են երկու պատրաստուկներ (որոնք ստացել են RCGD423 եւ UK5099 անվանումները), դրանք մաշկին քսելիս խթանում են լակտատների արտադրությունը: Գիտափորձերը կատարվել են կրծողների վրա, փորձագետները կարծում են, որ պատրաստուկներն արդյունավետ կլինեն նաեւ մարդկանց համար: Մասնագետները գտնում են, որ նոր պատրաստուկները կիրառում կգտնեն ճաղատացման դեմ պայքարելիս, այդ թվում՝ հորմոնալ հավասարակշռախախտմամբ կամ քիմիաբուժություն անցնող, ինչպես նաեւ սթրեսային վիճակներում գտնվող անձանց մոտ:
Բաժանորդագրվեք մեր ալիքին Telegram-ում