ԵՐԵՎԱՆ, 10 ՕԳՈՍՏՈՍԻ, ԱՐՄԵՆՊՐԵՍ: Իրաքի կառավարության ղեկավար Հայդեր ալ Աբադին օգոստոսի 10-ը երկրում ոչ աշխատանքային օր Է հայտարարել ըստ Ցելսիուսի մինչեւ 50 աստիճան տապի պատճառով: Այդ մասին, ինչպես տեղեկացնում Է «Արմենպրես»-ը, հայտնել Է IMN պետական հեռուստաալիքը:

«Վարչապետ Հայդեր ալ Աբադին որոշում Է կայացրել չեղարկել օգոստոսի 10-ի աշխատանքային օրը օդի ջերմաստիճանի բարձրանալու պատճառով»,-հայտնել Է հեռուստաալիքը:

Տեղի օդերեւութաբանների տվյալներով՝ Բաղդադում առավելագույն ջերմաստիճանն օգոստոսի 10-ին հասնում Է ըստ Ցելսիուսի 50 աստիճանի:

«Ալ Արաբիա» հեռուստաալիքը նշում Է, որ անցած տարի նմանօրինակ տապի պատճառով իշխանություններն ստիպված Էին քաղաքացիներին երկու օր ազատել աշխատանքից: Իրաքյան Al Sumaria ալիքը, վկայակոչելով օդերեւութաբաններին, հայտնել Է, որ նրանք այս տարի Իրաքում կանխատեսել են ավելի շոգ ամառ՝ մեծ քանակությամբ փոշու առկայությամբ, հաղորդել Է ՌԻԱ Նովոստի գործակալությունը: