Հայաստանում մահացության դեպքերի հիմնական պատճառներից են արյան շրջանառության համակարգի հիվանդությունները
ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: Հայաստանում այս տարվա առաջին գրանցվել է մահվան 14 հազար 709 դեպք: Ինչպես «Արմենպրես»-ի մամուլի սրահում հրավիրված ասուլիսում նշեց Հայաստանի ազգային վիճակագրական ծառայության մարդահամարի եւ ժողովրդագրության բաժնի պետ Կարինե Կույումջյանը, այս ցուցանիշը նախորդ տարվա նույն ժամանակահատվածի համեմատ աճել է 2.1 տոկոսով: 2016 թվականի նույն ժամանակահատվածում հանրապետությունում գրանցվել է մահվան 14 հազար 403 դեպք:
Այս տարի մահացության ամենացածր ցուցանիշը գրանցվել է Երևանում: Մահացության ամենաբարձր ցուցանիշը գրանցվել է Լոռիում, որին հաջորդում է Վայոց ձորը, այնուհետև Շիրակը, Տավուշը:
Մահացության պատճառները տարբեր են: Դեպքերի մեծ մասը` 8 հազար 425-ը, բաժին է ընկել արյան շրջանառության համակարգի հիվանդություններին, այնուհետև նորագոյացություններին` 2 հազար 756 դեպք, որին հաջորդում են շնչառական օրգանների հիվանդությունները` 1 013 դեպք:
Բաժանորդագրվեք մեր ալիքին Telegram-ում