«Ես արդեն տասներեք տարի ապրել եմ Ուկրաինայում, մասնակցել եմ երեք հեղափոխությունների, դրանք բոլորն Ուկրաինայում: Ես միայն մեկ քաղաքացիություն ունեմ, իմն Ուկրաինան Է, եւ ես չե՛մ զրկվի դրանից: Այժմ փորձում են ինձ հարկադրել դառնալու փախստական, դա տեղի չի՛ ունենա: Ես այլեւս չեմ մնա եւ չեմ փոխի կարգավիճակս, կպայքարեմ Ուկրաինա վերադառնալու իմ օրինակա՛ն իրավունքի համար»,- հուլիսի 27-ին գրել Է նա Facebook-ում:

Սահակաշվիլին նաեւ նշել Է, որ Ուկրաինայի նախագահ Պյոտր Պորոշենկոն իրեն քաղաքացիությունից զրկել Է աննկատ, մինչ ինքը գտնվել Է երկրից դուրս, եւ նախագահին մեղադրել Է վախկոտության մեջ ընդդիմության հանդեպ, որը պատրաստվում Է «այս աշնանը փողոցներ դուրս գալու եւ վերջ դնելու նրանց օլիգարխական դաշինքին»: «Նրանց վախը հաղթահարել Է նրանց բանականությանը»: Նախագահ Պորոշենկոն թքել Է Սահմանադրության վրա, որի երաշխավորը պետք Է լիներ ինքը»,- գրել Է Սահակաշվիլին:

«Ես ավելի շատ եմ ուկրաինացի, քան ներկայիս պատգամավորների մեծ մասը: Ես ամբողջ սրտով սիրում եմ Ուկրաինան եւ ես կշարունակեմ պայքարն այստեղ՝ մեր Ուկրաինայում, առանց որեւիցե խոչընդոտի»,- եզրափակել Է նա, հաղորդել Է ՏԱՍՍ-ը: