Սկյուռիկի պատճառով Կալիֆորնիայի ավելի քան 45 հազար մարդ մնացել է առանց էլեկտրականություն
09:49, 26 Հուլիս 2017
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: ԱՄՆ Կալիֆորնիա նահանգի Սան Դիեգո քաղաքում ավելի քան 45 հազար մարդ սկյուռիկի պատճառով մնացել է առանց էլեկտրականության: Ինչպես հաղորդում է «Արմենպրես»-ը, այս մասին հայտնում է «ՌԻԱ Նովոստի»-ն:
Դեպքը տեղի է ունեցել հուլիսի 26-ի կեսօրին: Բնակելի տներում, դպրոցներում և արտադրություններում էլեկտրականության զանգվածային մարումների պատճառ է դարձել սկյուռիկը, որը դիպել էր էլեկտրահաղորդիչ լարին:
Մասնագետները մոտ մեկ ժամ անց կարողացել են վերականգնել էլեկտրականությունը:
Բաժանորդագրվեք մեր ալիքին Telegram-ում