ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: Կիևի «Դինամո»-ի ու «Դնեպր»-ի նախկին հարձակվող Օլեգ Վենգլինսկին, մեկնաբանելով Կամենսկի «Ստալ»-ի մեկնարկը Ուկրաինայի պրեմիեր լիգայում, առանձնացրել է թիմի գլխավոր մարզիչ Եղիշե Մելիքյանին: «Պետք է արժանին մատուցել Եղիշե Մելիքյանին, որի գլխավորությամբ թիմը ժամանակակից ֆուտբոլ է խաղում: «Ստալ»-ը կպատժի բոլոր նրանց, ովքեր կթերագնահատեն իրեն: Կարևորը, որ երիտասարդների գլուխը չպտտվի հաջողություններից: Թիմը կազմում աստղեր չունի, բայց կարողանում է առավելագույնը քաղել»,- «Արմենպրես»-ի փոխանցմամբ,  Վենգլինսկիի խոսքերն է մեջբերել Вести-ն:

«Ստալ»-ը, որի կազմում հանդես են գալիս Հայաստանի ազգային հավաքականի կիսապաշտպաններ Մալաքյան եղբայրներն ու 19-ամյա Արթուր Դանիելյանը, երկու տուրից հետո 100 տոկոսանոց արդյունքով կիսում է 1-2-րդ տեղերը: