Բասկետբոլի Մ16 տարեկանների թիմը հաղթանակով մեկնարկեց Եվրոպայի առաջնությունում
17:45, 25 Հուլիս 2017
ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: Բասկետբոլի Հայաստանի մինչև 16 տարեկանների թիմը հաղթանակով մեկնարկեց Եվրոպայի առաջնությունում:
«Արմենպրես»-ի հաղորդմամբ` Ջիբրալթարում ընթացող Եվրոպայի առաջնության C դիվիզիոնի առաջին խաղում Հայաստանի հավաքականի մրցակիցը Մոնակոյի թիմն էր: Առաջին քառորդում թիմն առաջ էր 26:14 հաշվով: Երկրորդ քառորդում ևս Մ16 տարեկանների թիմն առաջար էր: Ի վերջո Հայաստանի թիմը հաղթեց խոշոր 81:41 հաշվով:
Հաջորդ հանդիպումը Վահագն Հարությունյանի սաները կանցկացնեն հուլիսի 26-ին՝ մրցելով Ուելսի ընտրանու դեմ:
Բաժանորդագրվեք մեր ալիքին Telegram-ում