Պուտինն ու Ալիևը քննարկել են Հարավային Կովկասում իրավիճակին առնչվող հարցեր
ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: Ռուսաստանի և Ադրբեջանի նախագահներ Վլադիմիր Պուտինը և Իլհամ Ալիևը քննարկել են Հարավային Կովկասում տարածաշրջանային իրավիճակին առնչվող հարցեր: Ինչպես հաղորդում է «Արմենպրես»-ը, երկու երկրների նախագահների հանդիպումը տեղի է ունեցել Սոչիում:
Երկկողմ հանդիպման մեկնարկին Պուտինը նշել է, որ տարածաշրջանում իրավիճակը «պարզ չէ, սակայն հուսով եմ, որ մեր հանդիպումը կնպաստի նրան, որպեսզի փնտրենք բոլոր բարդ խնդիրների լուծման ուղիները»:
Ադրբեջանի նախագահն էլ նշել է, որ տարածաշրջանային և համաշխարհային քաղաքականության կարևոր հարցերի առնչությամբ պարբերական քննարկումների անհրաժեշտություն կա:
Լրացում. Ավելի ուշ Ադրբեջանի նախագահի լրատվական ծառայությունը հաղորդեց, որ երկու երկրների նախագահները քննարկել են նաև Լեռնային Ղարաբաղի հիմնահարցը: Այլ մանրամասներ չեն հաղորդվում:
Բաժանորդագրվեք մեր ալիքին Telegram-ում