Կահիրեի սրճարաններից մեկում պայթյուն Է տեղի ունեցել
14:06, 21 Հուլիս 2017
ԵՐԵՎԱՆ, 21 ՀՈՒԼԻՍԻ, ԱՐՄԵՆՊՐԵՍ: Հրշեջ խմբերը մարել են Եգիպտոսի մայրաքաղաքի սրճարաններից մեկում կենցաղային գազի բալոնի պայթյունի հետեւանքով բռնկած կրակը: Հուլիսի 21-ին այս մասին հաղորդել Է քաղաքի քաղաքացիական պաշտպանության ծառայության ներկայացուցիչը, տեղեկացնում Է «Արմենպրես»-ը:
Նրա տվյալներով՝ կենցաղային գազի պայթյունը տեղի Է ունեցել Կահիրեի հարավի Մաադի արվարձանի Հոսեյն Բասյունիի փողոցի սրճարանում: Հաստատության աշխատողներից, հաճախորդներից կամ պատահական անցորդներից ոչ մեկը չի տուժել:
Պայթյունի հետեւանքով վնաս Է հասցվել սրճարանի մոտ կայանված մի քանի ավտոմեքենաների: Պատահարի վայր են ժամանել մի քանի հրշեջ խմբեր, որոնք արագորեն տեղափակել են բռնկման օջախը: Ոստիկանությունը պարզում Է միջադեպի պատճառները: Ավելի վաղ հայտնել Էին, որ Կաիրեում հուժկու պայթյուն Է տեղի ունեցել, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում