ԵՐԵՎԱՆ, 20 ՀՈՒԼԻՍԻ, ԱՐՄԵՆՊՐԵՍ: ՀՀ ոստիկանության Վայքի բաժնի ծառայողերի բացատրական աշխատանքների արդյունքում հուլիսի 19-ին, ժամը 13.10-ին, 1958 թ. ծնված Խաչատուր Հ.-ն կամավոր հանձնել է 5.6 մմ տրամաչափի, «ՏՕԶ-8» տիպի մեկփողանի հրացան և 5.45 մմ տրամաչափի 41 փամփուշտ։ Նա հայտնել է, որ հրացանը և փամփուշտները գտել է նույն օրը, ժամը 11.00-ի սահմաններում, Խնձորուտ գյուղում գտնվող իր առանձնատան կտուրի մաքրման աշխատանքներ կատարելու ժամանակ, և որ դրանք պատկանել են հանգուցյալ հորը, ով զենք-զինամթերքը ձեռք էր բերել 1992թ. Խնձորուտ գյուղի ինքնապաշտպանական մարտերի ժամանակ: Այս մասին «Արմենպրես»-ը տեղեկացավ ՀՀ ոստիկանության պաշտոնական կայքից:

Լուսանկարը՝ wartools.ru