ՊՊԾ գնդի գործով 15 ամբաստանյալներ 10 ժամով հեռացվեցին դատական նիստերի դահլիճից
ԵՐԵՎԱՆ, 20 ՀՈՒԼԻՍԻ,ԱՐՄԵՆՊՐԵՍ: Երևանի Ավան եւ Նոր Նորք վարչական շրջանների ընդհանուր իրավասության դատարանում դատավոր Արտյուշ Գաբրիելյանի նախագահությամբ կայացավ ՊՊԾ գնդի գրավման 18 մեղադրյալների գործով դատական նիստը: «Արմենպրես»-ի հաղորդմամբ` պաշտպանները միջնորդեցին, որպեսզի դատարանից հեռացված 15 ամբաստանյալները բերվեն դահլիճ: Դատավոր Արտյուշ Գաբրիելյանը բավարարեց պաշտպանների միջնորդությունը և մեկ ժամ ընդմիջում հայտարարեց:
Հետագայում, սակայն, ամբաստանյալները մի քանի անգամ ոտքի չկանգնեցին, ուստի դատավորը սանկցիա կիրառեց բոլորի նկատմամբ` 10 ժամով հեռացնելով դատական նիստերի դահլիճից: Սանկցիա չկիրառվեց միայն Արամ Մանուկյանի, Գևորգ Իրիցյանի և Հովհաննես Հարությունյանի նկատմամբ, ովքեր ունեն առողջական խնդիրներ:
Դատական նիստի ընթացքում Արտյուշ Գաբրիելյանը սանկցիա կիրառեց նաև մի քանի պաշտպանների նկատմամբ` դատական նիստերի դահլիճում ներկա չգտնվելու համար: Նրանց մի մասը նպատակահարմար չի գտել առանց պաշտպանյալների ներկա գտնվել նիստերին:
Բաժանորդագրվեք մեր ալիքին Telegram-ում