Հայաստանում հնարավոր կլինի իշխանություններին ներկայացնել հանրագիր
ԵՐԵՎԱՆ, 20 ՀՈՒԼԻՍԻ, ԱՐՄԵՆՊՐԵՍ: ՀՀ կառավարությունը հավանություն տվեց «Անհատական եւ կոլեկտիվ հանրագրերի մասին» օրինագծին, որով Հայաստանում հնարավոր է դառնում իշխանություններին հանրագիր ներկայացնելը: «Արմենպրես»-ի հաղորդմամբ, պետական իշխանության և տեղական ինքնակառավարման մարմիններին միջնորդագիր ներկայացնելու իրավունքը նախատեսված է Հայաստանի Սահմանադրության 53-րդ հոդվածով:
Համապատասխան գերատեսչությունները այն պետք է քննարկեն մեկ ամսվա ընթացքում: Ըստ նախագծի հիմնավորման, այս ժամկետը կարող է երկարաձգվել լրացուցիչ հետազոտություններ կատարելու անհրաժեշտության դեպքում կամ միևնույն հարցով մեկից ավելի միջնորդագրի առկայությամբ: Առանձին դեպքերում, երբ հարցի քննարկման համար աշխատանքային խումբ է ստեղծվում, քննարկման ժամկետը կարող է երկարացվել մինչև 6 ամիս:
Բաժանորդագրվեք մեր ալիքին Telegram-ում