1000х90.jpg (78 KB)

Երևանում՝ 11:07,   29 Մարտ 2024

Հայ պատանիներն ԱՄՆ-ում ռոբոտաշինության միջազգային օլիմպիական խաղերում բրոնզե մեդալ են շահել

Հայ պատանիներն ԱՄՆ-ում ռոբոտաշինության միջազգային օլիմպիական խաղերում 
բրոնզե մեդալ են շահել

ԵՐԵՎԱՆ, 19 ՀՈՒԼԻՍԻ, ԱՐՄԵՆՊՐԵՍ: Վաշինգտոնում ռոբոտաշինության միջազգային օլիմպիական FIRST Global խաղերում Հայաստանը ներկայացնող թիմը զբաղեցրել է երրորդ տեղը՝ արժանանալով բրոնզե մեդալի: «Արմենպրես»-ի հաղորդմամբ՝ ռոբոտաշինության միջազգային օլիմպիական խաղերին մասնակցում էին թիմեր աշխարհի 163 երկրից: Հայաստանը ներկայացնում էին ԹՈՒՄՈ ստեղծարար տեխնոլոգիաների կենտրոնի սաները:

Այս տարի խաղերի մասնակիցներին առաջադրանք էր տրված նախագծել իրենց ռոբոտին, որը կկարողանա իրականացնել մի շարք ինժեներական խնդիրներ՝ կապված «մաքուր ջրի հասանելիություն ունենալու» հետ, ինչպես նաև կկարողանա համագործակցել ռոբոտների միջազգային դաշինքների հետ:

Հայաստանի մասնակիցները զիջեցին միայն Եվրոպայի հավաքական թիմին և Լեհաստանի թիմին։ Թիմի անդամներն են 14-18 տարեկան թումոցիներ Լևոն Բալագյոզյանը, Մարիա Տեր-Մինասյանը, Դավիթ Հովհաննիսյանը, Տիգրան Կիրակոսյանը, Արամ Մադանցյանը, Լիլիթ և Աշոտ Թառումյանները և նրանց ղեկավար, Թումոյի ռոբոտաշինության դասընթացավար Հայկ Ոսկանյանը։ Հաղթանակած թիմը Երևան է ժամանելու հուլիսի 21-ին ժամը 13։45-ին:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]