Կմշակվի Երևան քաղաքի կառուցապատման և հողօգտագործման կանոնակարգը
20:12, 17 Հուլիս 2017
ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: Երևանի քաղաքապետարանում տեղի ունեցած աշխատանքային խորհրդակցության ժամանակ քաղաքապետ Տարոն Մարգարյանը, անդրադառնալով կառուցապատման հետ կապված հրատապ խնդիրներին, աշխատակազմի ճարտարապետության և քաղաքաշինության, ինչպես նաև իրավաբանական վարչություններին հանձնարարել է մշակել Երևան քաղաքի կառուցապատման և հողօգտագործման կանոնակարգը: Ինչպես «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, աշխատանքների համակարգումը կիրականացվի Երևանի քաղաքապետի խորհրդական, ճարտարապետ Վահագն Վերմիշյանի կողմից:
Բաժանորդագրվեք մեր ալիքին Telegram-ում