Ժամանակը Երևանում՝ 11:07:36,   28 Հուլիս

Իրաքում ստեղծված եզդիական կուսակցությունը աջակցում է Քուրդիստանի հանրաքվեին


ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: Իրաքի Շինգալի և Նինվեի նահանգներում ապրող եզդիների կողմից ստեղծված «Եզդիական ժողովրդավարական կուսակցություն»-ը, որն արդեն անց է կացրել իր առաջին խորհրդաժողովը, ծրագրում է մասնակցել Իրաքում հաջորդ տարի կայանալիք խորհրդարանական ընտրություններին: Ինչպես տեղեկացնում է «Արմենպրես»-ը, այս մասին հայտնում է Rudaw լրատվական կայքը:

Նորաստեղծ կուսակցության նախագահ Հայդեր Շաշոն հայտարարել է, որ կուսակցության հիմնադրման հիմնական նպատակը՝ Իրաքի եզդիների իրավունքների պաշտպանումն ու դրանց համար պայքարն է:

Շաշոն հայտնել է, որ եզդիների նորաստեղծ կուսակցության կազմավորումը օրհնվել է Քուրդիստանի երկու հիմնական կուսակցությունների՝ «Քուրդիստանի ժողովրդավարական կուսակցության» և «Քուրդիստանի հայրենասիրական կուսակցության» կողմից:

Բացի այդ, եզդիների կուսակցության ղեկավարը նշել է, որ Շինգալի և եզդիական մյուս շրջանները պետք է մնան որպես Քուրդիստանի մաս և Էրբիլին կոչ է արել Շինգալն ընդգրկել սեպտեմբերին կայանալիք հանրաքվեում:

Իրաքի եզդիների կողմից կուսակցության առաջին խորհրդաժողովը տեղի է ունեցել նախորդ շաբաթ՝ Դոհուկ քաղաքում, որին մասնակցել է առնվազն 500 եզդի՝ ներկայացնելով ինչպես եզդիական, այնպես էլ Իրաքի այլ փոէրամասնությունների շահերը: Կուսակցության միակ գրասենյակը գտնվում է Սուլեյմանիում:



Լրահոս

Բոլոր նորությունները    


Amazon keyword tool



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 10 539818
Էլ-փոստ՝ contact@armenpress.am
Яндекс.Метрика
Էջի կարգավորումներ