Կամչատկայում 6,2 մագնիտուդով երկրաշարժ Է տեղի ունեցել
16:12, 17 Հուլիս 2017
ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: 6,2 մագնիտուդով հուժկու երկրաշարժ Է տեղի ունեցել Խաղաղ օվկիանոսում՝ Բերինգի կղզուց ոչ հեեռու: Ինչպես տեղեկացնում Է «Արմենպրես»-ը, հուլիսի 17-ին այս մասին հաղորդել Է «Ռուսաստանի գիտությունների ակադեմիայի Միասնական երկրաֆիզիկական ծառայություն» դաշնային հետազոտական կենտրոնի Կամչատկայի մասնաճյուղը: Արտակարգ իրավիճակների նախարարության տվյալներով՝ Կամչատկայի բնակավայրերում երկրաշարժը չի զգացվել:
ԱՄՆ-ի Երկրաբանական ծառայությունն, իր հերթին, ավելի վաղ հաղորդել Է, որ Կամչատկայի ափերի մոտ գրանցվել Է 6,6 մագնիտուդով երկրաշարժ: Որոշ ժամանակ անց ծառայությունը հրապարակել ճշգրտված տվյալներ, որոնց համաձայն ստորգետնյա ցնցման մագնիտուդը կազմել Է 6,2, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում