Մակրոնը և Թրամփն այցելել են Նապոլեոնի գերեզման
20:54, 13 Հուլիս 2017
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Ֆրանսիայի և ԱՄՆ նախագահներ Էմանուել Մակրոնը և Դոնալդ Թրամփը այցելել են Հաշմանդամների տուն, որտեղ գտնվում է ֆրանսիացի հայտնի զինվորականների դամաբարանը: Ինչպես փոխանցում է «Արմենպրես»-ը, այդ մասին հաղորդում է BFMTV-ն: Ընդգծվում է, որ երկու երկրների առաջանորդները նաև իջել են ներքևի հարկեր, որպեսզի այցելեն Նապոլեոն Բոնապարտի գերեզման:
Ավելի վաղ Մակրոնը զարմանք է հայտնել, որ Թրամփի այցը Փարիզ առաջացրել է հասարակական քննարկումներ և բողոք:
Թրամփի այցը Ֆրանսիա տեղի է ունենում Մակրոնի հրավերով և ուղղված է Բաստիլի գրավման օրվա տոնակատարություններին:
Բաժանորդագրվեք մեր ալիքին Telegram-ում