Մալաքյանները «Ստալ» վերադառնալուց մասնակցել են ընկերական խաղի
20:02, 13 Հուլիս 2017
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Հայաստանի ազգային հավաքականի կիսապաշտպան Էդգար և Գոռ Մալաքյանները միացել են ուկրաինական «Ստալ»-ին, որը սկսել է գլխավորել հայազգի մասնագետ, հավաքականի նախկին պաշտպան Եղիշե Մելիքյանը: Ինչպես հաղորդում է «Արմենպրես»-ը, Մելիքյանի գլխավորությամբ նախապատրաստվող «Ստալը» ընկերական հանդիպում է անցկացրել իրանական «Պերսեպոլիսի» հետ և հաղթել 3-0 հաշվով:
Վերջին օրերին Երևանի «Բանանցի» հետ մարզված Մալաքյան եղբայրները, վերադառնալով «Ստալ», մասնակցել են վերը նշված խաղին: Նրանք փոխարինման են դուրս եկել երկրորդ կեսում:
Բաժանորդագրվեք մեր ալիքին Telegram-ում