Վաչե Տերտերյանը ներկայացրել է Արագածոտնի նորանշանակ մարզպետին
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: ՀՀ տարածքային կառավարման և զարգացման նախարարի առաջին տեղակալ Վաչե Տերտերյանը հուլիսի 13-ին Արագածոտնի մարզպետարանում մարզպետարանի աշխատակազմին, հանրապետական գործադիր մարմինների պատասխանատուներին, համայնքապետերին ներկայացրել է Արագածոտնի նորանշանակ մարզպետ Աշոտ Սիմոնյանին:
Ինչպես «Արմենպրես»-ին տեղեկացրին ՀՀ տարածքային կառավարման և զարգացման նախարարությունից, Տերտերյանը ՀՀ տարածքային կառավարման և զարգացման նախարար Դավիթ Լոքյանի, նախարարության անունից և անձամբ իր կողմից շնորհակալություն է հայտնել նախկին մարզպետ Գաբրիել Գյոզալյանին, ընդգծելով, որ նրա պաշտոնավարման ընթացքում մարզում բոլոր ոլորտներում վերելք է գրանցվել: Շնորհավորելով նորանշանակ մարզպետին պաշտոնը ստանձնելու կապակցությամբ՝ նա մարզպետին բեղմնավոր և արդյունավետ աշխատանքային գործունեություն է մաղթել:
Արագածոտնի նախկին մարզպետ Գաբրիել Գյոզալյանն իր հերթին շնորհակալություն է հայտնել համատեղ աշխատանքի համար և շնորհավորել երիտասարդ մարզպետին՝ մաղթելով նրան ամենայն հաջողություն:
Բաժանորդագրվեք մեր ալիքին Telegram-ում