Վահրամ Մկրտչյանն ունի դրական հեղինակություն. Լևոն Մկրտչյանն անդրադարձավ նոր փոխնախարարի մասին խոսակցություններին
15:21, 13 Հուլիս 2017
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: ՀՀ կրթության և գիտության նախարար Լևոն Մկրտչյանը իր նոր տեղակալ Վահրամ Մկրտչյանին ճանաչում է որպես քաղաքական գործունեության մեծ փորձ ունեցող անհատի։ Կառավարության նիստից հետո անդրադառնալով հարցին, թե տեղյա՞կ է նորանշանակ փոխնախարարի՝ անձ առևանգող լինելու վերաբերյալ մամուլի հրապարակումներին, Լևոն Մկրտչյանը պատասխանեց. «Դուք որակումներ եք տալիս: Ես նրան գիտեմ որպես ԱԺՄ անդամ, ունի քաղաքական գործունեության մեծ փորձ, շատ դրական հեղինակություն, գիտությունների թեկնածու է, եղել է պատգամավոր: Խորհուրդ եմ տալիս նրա հետ զրուցել և մամուլում հրապարակումներ անողներն էլ թող զրուցեն»։
Վահրամ Մկրտչյանը փոխնախարար է նշանակվել հուլիսի 11-ին՝ ՀՀ վարչապետի որոշմամբ:
Բաժանորդագրվեք մեր ալիքին Telegram-ում