ՄԻԵԴ-ի վճիռը կատարելու նպատակով կառավարությունը հատկացրեց 3 հազար 600 եվրո
12:25, 13 Հուլիս 2017
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: ՀՀ կառավարությունն Արդարադատության նախարարությանը հատկացրեց 3 հազար 600 եվրոյին համարժեք դրամ՝ Մարդու իրավունքների եվրոպական դատարանի վճիռներն անվերապահորեն կատարելու` Հայաստանի Հանրապետության կողմից Եվրոպայի խորհրդի առջև ստանձնած պարտավորության կատարման հրամայականով։
«Արմենպրես»-ի փոխանցմամբ, պահուստային ֆոնդից գումարն հատկացվում է ՄԻԵԴ-ի «Նիկողոսյանն ընդդեմ Հայաստանի» գործով (թիվ 75651/11 գանգատ) 2017 թվականի մայիսի 18-ի վճռի պահանջները կատարելու նպատակով: Դատարանի վճռով սահմանված հատուցման գումարի վճարման վերջնաժամկետը 2017 թվականի օգոստոսի 18-ն է:
Բաժանորդագրվեք մեր ալիքին Telegram-ում